A historia da cidade é tamén a historia da produción editorial. Sen a existencia das editoras que permitiron que novelas, poemas ou pezas teatrais chegasen aos lectores, non se podería ter construído unha parte importante do presente Galego. Santiago foi escenario dos proxectos máis innovadores como a editorial Nós ou Niké, na década de 1930, e hoxe continúa a ser un dos referentes editoriais da nosa terra. Se decides dar unha volta por este mapa poderás comprobar como continúan a funcionar ao redor dunha vintena de editoriais dos máis variados perfís. Atoparás editoras especializadas en libro galego, musica tradicional, nova creación, poesía, literatura de fantasía, libro portugués, literatura nórdica e anglosaxoa, textos técnicos, materiais educativos, libro infantil e xuvenil...
Rúa do Morcego 8A.
Auga Editora é un manancial de ideas e ilusións nado en Galicia en 2008. Co ánimo de achegar ao universo da edición o mundo das terapias naturais así como o da ciencia, a divulgación, ecoloxía e o saber en xeral. Agroman as coleccións ECOSALUD e SABER +. A colección CÉLEBRES está reservada para os clásicos galegos, acompañados de coidadas ilustracións, e a poesía ten o seu oco propio na colección ORBALLO. A historia e o ensaio teñen o seu espazo na colección MANANCIAL.
Rúa Travesa 7.
Tel: 698 14 48 52
Web: folque.com
Editorial especializada fundamentalmente en música tradicional de Galicia.
Rúa das Carretas 18.
Tel: 981 55 30 51
Web: www.edicionspositivas.com
Edición de textos sempre novos. Edicións Positivas, nacida en 1990, vén publicando en galego e portugués textos que achegan algo á literatura e ao pensamento.
Rúa do Avío 11, baixo .
Tel: 981 576 883 / 653 736 367
Web: urcoeditora.com
Urco editora é unha empresa editorial nacida en 2007 que veu encher un oco histórico no sistema literario galego: a publicación sistemática e especializada de literatura de fantasía, ciencia ficción e terror.
Rúa de Daniel García Ramos.
Web: irmascartone.com
Irmás cartoné é unha pequena editora independente creada por Carlos Vladés e Celia Rearey, dous seres con máis de cadansúa década de experiencia mercenaria no sector editorial, e dedicada á tradución de textos clásicos da literatura universal.
Rua de Emílio e de Manuel nº 3.
Web: www.atraves-editora.com
Através|Editora nasce como umha evoluçom da antiga área editorial da AGAL. Em 2009 após umhas novas eleições na Associaçom elegeu-se um novo Conselho que no seu programa incluiu, entre outros temas, o objetivo de criar umha marca própria da AGAL como editora. É assim como nasce Através Editora, como a tentativa de tornar a área editorial da AGAL em uma editora de âmbito galego-português.
O nosso objetivo editorial centra-se na potencialidade da filosofia reintegracionista como saída viável para a recuperaçom e normalizaçom da língua galega na Galiza. Partindo desta focagem Através|Editora publica em galego internacional para os mercados de Portugal e Galiza, e se existir a possibilidade para o Brasil e os PALOP’s.
R/ Sempre en Galiza 4, praza interior.
Tel: 981 52 21 37
Web: alvarellos.info
Alvarellos Editora fundouse en 1977. É unha das editoriais máis veteranas de Galicia. Ensaio, poesía, obras de gastronomía, orixinais guías de Santiago de Compostela, fotografía histórica, obras inéditas ou esquecidas de grandes clásicos galegos (Álvaro Cunqueiro, Aurelio Aguirre, Rosalía de Castro, Urbano Lugrís...). En total, un catálogo vivo de 150 títulos e un histórico de máis de 500.
Rúa do Castro 9, 3º.
Tel: 676 01 00 30
Web: www.huginemunin.com
A editorial Hugin e Munin é unha iniciativa pensada para introducir no mercado galego unha serie de títulos de literatura estranxeira de prestixio. O réxime de edición é aquel común aos clubs ou círculos de lectura, é dicir, está sustentado sobre unha base de subscritores que permita a publicación de oito libros ao ano, a razón de dúas obras por trimestre.
As literaturas inglesa e francesa, as literaturas nórdicas e as literaturas minorizadas son en principio os nosos campos de batalla; con todo e iso, a literatura de calquera lingua pode ser obxecto de tradución ao galego por parte de Hugin e Munin. O mesmo reza para os xéneros: novela negra, de ciencia ficción, psicolóxica, de aventuras, realista, colonial etc. Escolmamos as obras en función da súa calidade e sen apenas prestar atención aos clixés que leva implícito dividir por xéneros.
Carreira do Conde 6-3º esq.
Tel: 981 55 21 30
Web: www.elpatitoeditorial.com
El Patito Editorial nace en outubro de 2007 publicando o catálogo da exposición “Golfiño en portada”. Desde un principio, os obxectivos foron: publicar debuxantes galegos, en galego e castelán; recuperar obras clásicas da historieta galega; e publicar obras selectas de autores españois e estranxeiros. A nosa aposta xeral é polos libros de calidade que se afastan das modas pasaxeiras e entenden a historieta como un xénero máis da literatura.
Vía Edison 33-35. Polígono do Tambre.
Tel: 981 958 320.
Web: andavira.com
Andavira editora é un proxecto editorial que xorde a partir da anterior experiencia de Tórculo Edicións, que levaba máis de 15 anos editando textos técnicos e universitarios e que conta no seu catálogo con máis de douscentos títulos.
Esta nova editorial nace cunha idea de renovación e coa intención de ir crecendo e superando fronteiras xeográficas, aínda que o seu obxectivo primordial seguirá sendo o de ofrecer ao mundo técnico e ao universitario libros de calidade, escritos por profesores cun traballo e prestixio recoñecidos.
Ruela de Entrecercas 2, 2º B.
Tel: 981 552 776.
Web: www.santillana.es/es/lineas_editoriales/obradoiro/
Edicións Obradoiro xorde para dar unha resposta de calidade ás necesidades concretas da escola e útil aos profesionais da educación en Galicia. A editorial crea materiais que reflicten a nosa cultura, a nosa contorna, as nosas necesidades e inquietudes.
Ademais, conta coa colección de literatura infantil e xuvenil Alfaguara/Obradoiro, que desde o seu comezo fixo unha aposta clara cun fin esencial: axudar a crear o hábito lector.
Vía Pasteur 26. Polígono do Tambre.
Tel: 669 41 90 48.
Web: laiovento.com
Laiovento ten como único obxectivo o de contribuír desde unha óptica plural, aberta e progresista, á construción nacional da Galiza. Lonxe de trabas e censuras que distorsionen a liberdade intelectual e artística, os responsábeis de LAIOVENTO apostan, como único criterio selectivo, pola calidade estética e polo rigor científico. Entre as coleccións da editora compre destacar os Cadernos de ensaio, narrativa e teatro, VentoAlto de poesía, Escena aberta, Breviarios, Fora de serie e Endovelia.
Rúa Vía de Pasteur, 13. Polígono do Tambre.
Tel: 669 41 90 48.
Edicións do Cerne é unha empresa editorial creada en 1980 por Xesus Couceiro Rivas. Está especializada na publicación de libros antigos e primeiras edicións de obras galegas.
Rúa Santa clara 21.
Estaleiro Editora é umha associaçom cultural sem ánimo de lucro que se rege por assembleia com o propósito de desenvolver um projecto de ediçom independente, capaz de abrir novos caminhos dentro do sistema literário galego.
O Estaleiro pretende-se assim referente daqueles produtores e consumidores que, como as pessoas integrantes deste projecto, demandam umha alternativa ao circuito oficial da literatura e do pensamento subsidiados mediante a criaçom de um espaço de liberdade para a dinamizaçom cultural, a inovaçom literária e o pensamento crítico.
Desde a sua ausência de ánimo de lucro, a associaçom editará sob licenças Creative Commons, que permitem e fomentam a possível reutilizaçom das suas publicaçons, só exigindo dos futuros editores ser informada da publicaçom dos novos materiais, que esta se faga sob o mesmo tipo de licença, citando a ediçom original e também sem ánimo de lucro.
San Clemente 1A.
Tel: 981 555 291.
Web: http://www.ezaroediciones.com/
Ézaro é a división multimedia de Nortideas Comunicación. Naceu no ano 2004 e, desde entón, a súa actividade centrouse en dous sectores: a edición e a produción audiovisual.
Como editora Ézaro publica libros de ficcion e non ficción e, desde o ano 2008, a revista Galegos. Como produtora, Ézaro realizada documentais e programas para televisión e outros soportes.
Rúa Tras do Pilar 6.
Tel: 660 608 411.
Web: https://olapisdotaberneiro.wordpress.com/editorial-danu/
Danú Editorial foi Creada en 2007, coa intención de potenciar os xéneros considerados menos rendibles, ten liñas de poesía, receitas de cociña, traducións, pensamento, narrativa, ético-relixiosa e educativa.
Av. de Lugo 109.
Web: http://www.descubrebooks.com/
Enxebrebooks é unha editorial online nada do interese por avanzar nun mundo cambiante e tecnolóxico. Ten o compromiso de publicar simultaneamente en formato tradicional e dixital. A súa responsabilidade cos lectores céntrase en ofrecer un catálogo con obras de calidade e con novidades cada mes.
Rúa do Preguntoiro 36.
Tel: 981 56 91 55
Web: https://bolanda.es/
Empresa editorial e marketing, especializada no sector infantil.
Rúa do Hórreo 22, 3º.
Tel: 881 97 87 64.
Web: http://www.editorasgalegas.gal/
A finalidade da Asociación Galega de Editores é a xestión e defensa dos intereses comúns dos editores galegos asociados e a promoción e difusión dos libros galegos.
Rúa de San Pedro, 74.
Tel: 881 25 35 85.
Web: https://www.facebook.com/librariachandapolvora/
Chan dá Pólvora é unha editorial e libraría especializada en poesía, así como un espazo para a creación.
Pazo de Baamonde. Rúa do Vilar, 59.
Tel: 981 57 47 00.
Web: http://www.consorciodesantiago.org/
O Consorcio da cidade de Santiago de Compostela é o órgano executor do Real Padroado de Santiago, no que se materializa a cooperación institucional entre o Goberno de España, a Xunta de Galicia e o Concello de Santiago. Publica libros relacionados con temáticas ligadas fundamentalmente á cidade histórica compostelá. As súas publicacións agrúpanse en varias seccións que son a Biblioteca Facsimilar Compostelana, Biblioteca Cientifica Compostelana, Biblioteca de Divulgación Xacobea, Biblioteca Literaria Compostelana, Biblioteca de Imaxes e Biblioteca de Imaxes.
Cidade da Cultura. Edificio CEM. Monte Gaiás s/n.
Web: http://www.dopeirao.eu
Edicións Do Peirao nace no 2017 coa idea de dar unha alternativa de corte xeralista aos creadores en lingua galega fóra dos grandes selos editoriais en Galicia. Centrada na ficción principalmente e con anos de experiencia no sector, ten entre os seus obxectivos o de ofrecer aos lectores obras de calidade que non deixen indiferentes.
A misión de Edicións Do Peirao é a de revisar e reformular as principais pezas da narrativa contemporánea, identificando eses básicos de sempre para reinterpretar as súas formas, temas e detalles dentro do estilo actual para que sigan perdurando no tempo.